നിന്നെയും കാത്ത്...

ആയിരം സ്വപ്‌നങ്ങള്‍ ചാലിച്ചോരുക്കിയ

നിറനിലാവില്‍ ഞാന്‍ കാത്തു നില്‍ക്കുമ്പോള്‍,

ആരും കാണാത്ത നൃത്തവും ചെയ്തു നീ

എന്നരുകില്‍ ഇന്ന് വരികയില്ലേ..

ആയിരം ഗാനങ്ങള്‍ കോര്‍ത്തുവക്കാം സഖീ,

നീ വരുമ്പോഴെന്നും പാടുവാനായ്..

എനിക്കായ് മാത്രം പാടുകില്ലേ തോഴീ,

ഞാനെന്റെ തംബുരു മീട്ടുമ്പോള്‍..

നിഴലായ് നിന്‍ രൂപം ഹൃദയത്തില്‍,

മഴയായ് നിന്‍ നാദം മനസ്സിലെന്നും.

രാഗമേതാണെന്നറിയാമോ സഖീ

എന്‍ മനസ്സിന്‍ താളം കേട്ടുവോ നീ..

മനസ്സില്‍ വരച്ചു വരക്കുവാനറിയാത്ത

ഞാനെന്റെ പ്രണയിനീ നിന്റെ രൂപം,

കാണുവാന്‍ കൊതിച്ചു കാണുവാനാകാതെ

തപിച്ചിരുന്നു എന്നും എന്‍ ഹൃദയം...