Monday, March 21, 2011

വെളിച്ചെണ്ണ +വെള്ളം = വെള്ള്ള്ളിച്ചെണ്ണ


അനുഭവങ്ങള്‍ ...അത് എല്ലായ്പോഴും ഓര്‍ക്കാന്‍ രസമുള്ളവ ആയിരിക്കണം എന്നില്ല , പ്രത്യേകിച്ചുംഅത് അബദ്ധങ്ങള്‍ ആണെങ്കില്‍ . പക്ഷെ ചില അബദ്ധങ്ങള്‍ ഓര്‍ത്താല്‍ ചിരിവരും..അത് സമയത്ത് നമ്മളെ ഒരുപാട് വെള്ളം കുടിപ്പിച്ചു എങ്കിലും. ഞാനും അങ്ങനെ ഒരു അനുഭവം ഇവിടെപങ്കുവെക്കട്ടെ ..

ഞാന്‍ രണ്ടാം ക്ലാസ്സില്‍ പഠിക്കുന്ന സമയം. വീട്ടില്‍ കടയില്‍ പോക്കും പാല് വാങ്ങലും എല്ലാം ഞാന്‍തന്നെയാണ് ചെയ്തിരുന്നത്. ഓരോ പ്രാവശ്യം കടക്കു പോകുമ്പോഴും കടക്കാരന്‍ ജോര്‍ജേട്ടന്‍ ഓരോമിട്ടായി ബോണസ് ആയി തരും എന്നതിനാല്‍ വീട്ടില്‍ നിന്ന് തരുന്ന തുകയുടെ ബാക്കി കൃത്യമായിതിരിചെല്‍പ്പിച്ചിരുന്നു. ( ആവശ്യങ്ങള്‍ വെറും ഒരു മിഠായിയില്‍ ഒതുങ്ങാത്ത കാലം വരെ ). അങ്ങനെഒരു നാള്‍ ഞാന്‍ കടക്കു പോയി വരുന്ന വഴിക്ക് ഞങ്ങളുടെ നാട്ടിലെ ലൂയിസ് ചേട്ടന്‍ സൈക്കിള്‍ ചവിട്ടിവരുന്നത് കണ്ടത്. ലൂയിസ് ആരെന്നല്ലേ ? പറയാം ..തിരക്ക് കൂട്ടല്ലേ, ആദ്യം ഇത് കേള്‍ക്കു.. അപ്പൊഎവിടാ നമ്മള്‍....സൈക്കിള്‍..അതെ, എനിക്കപ്പോള്‍ സൈക്കിളില്‍ കയറണം എന്നൊരാഗ്രഹംആഗ്രഹം എന്ന് പറഞ്ഞാല്‍ കലശലായ ആഗ്രഹം ..ആള്‍ എവിടെക്കോ ധ്രിതിപിടിച്ചുപോകുകയാണ് ..ഇപ്പൊ എന്റെ ആഗ്രഹം പറഞ്ഞാല്‍ ആള്‍ ചൂടാവും.. പിന്നെ എന്റെ കണ്ട്രോള്പോകും, പൊട്ടനാണ്‌ ചട്ടനാണ് എന്നൊന്നും ഞാന്‍ നോക്കില്ല, നല്ല അടി കൊള്ളും ഞാന്‍ ! നല്ലഅന്തസ്സായിട്ടു തന്നെ!! ഹല്ലാ പിന്നെ,. പിന്നെ എന്താ ഒരു വഴി? ആലോചിച്ചു തലപുകച്ചപ്പോള്‍തലയില്‍ നിന്നും ഒരു മുട്ടന്‍ ഐഡിയ പുറത്തു ചാടി.
അങ്ങനെ ഞാന്‍ ചാടി സൈക്കിളിനു മുന്‍പില്‍ നിന്ന് കൊണ്ട് അലറി ."ചേട്ടാ ..അച്ഛമ്മ വിളിക്കുന്നുണ്ട്ഉടനെ കാണണംത്രെ"
"എന്തിനാടാ" ലൂയിസ് മുരണ്ടു ..

" വീട്ടില്‍ കോഴി ഉണ്ട് ...ഇന്ന് സ്പെഷ്യല്‍ ആണ് " വീട്ടില്‍ കോഴിക്കറി വെക്കുമ്പോള്‍ ഒരു പാത്രം നിറച്ചുലൂയിസിന് കൊടുക്കാറുണ്ട് . വീട്ടിലെയും പറമ്പിലെയും അല്ലറ ചില്ലറ പണികള്‍ എല്ലാം ചെയ്യുന്നത്ലൂയിസ് ആണ്,
"ആണോടാ.. എന്ന നീ കേറ്..വേഗം പോകാം " അങ്ങനെ കോഴിക്കറി തിന്നാനുള്ള ആഗ്രഹം നടക്കുംഎന്ന പ്രതീക്ഷയില്‍ ലൂയിസും, ആഗ്രഹം നിറവേറിയതിന്റെ സന്തോഷത്തില്‍ ഞാനും സൈക്കിളില്‍കയറി...കുറച്ചു ദൂരം പോയില്ല, അപ്പോഴേക്കും അത് സംഭവിച്ചു ! എന്താണെന്നല്ലേ ?
ലൂയിസ് പൈസ കൊടുക്കാനുണ്ടായിരുന്ന തോമ ചേട്ടന്‍ വഴി വന്നു. വന്നെന്നു മാത്രമല്ല "എടാകള്ളന്‍ ലൂയിസേ " എന്ന് ഉറക്കെ അലറി ! ഇത് കെട്ട ഉടന്‍ സൈക്കിളില്‍ നിന്നും എന്തോ വീഴുന്നത്കണ്ടു .. തോമചേട്ടനോടുള്ള ദേഷ്യത്തില്‍ ലൂയിസ് എന്തോ എറിഞ്ഞത് ആണെന്നാ ഞാന്‍ കരുതിയത്‌പക്ഷെ സൈക്കിളും ഞാനും അടുത്തുള്ള തെങ്ങിന്‍ കുഴിയില്‍ വീണപ്പോള്‍ ആണ് സൈക്കിളില്‍ നിന്ന്വീണത്‌ ലൂയിസ് ആണെന്ന് മനസിലായത്.! തോമ ചേട്ടനെ കണ്ട ഉടന്‍ പേടിച്ചു ചാടിയതാണ്ത്രെ..

എന്തായാലും എനിക്ക് കോളടിച്ചു..സൈക്കിളില്‍ കയറാന്‍ ആഗ്രഹം തോന്നിയ ഞാന്‍ വീട്ടിലെത്തിയത്അയല്‍പക്കത്തെ രാധപ്പന്റെ കാറില്‍..കൈയിലെയും കാലിലെയും പെയിന്റ് പോയിട്ടാണ് എന്നവ്യത്യാസം മാത്രം!
എന്തായാലും വീട്ടിലെത്തിയ ഉടനെ അമ്മയുടെ വക ഉഗ്രന്‍ ചീത്ത കിട്ടി, വീട്ടിനകത്ത് കയറിഇരുന്നപ്പോഴാണ് ഞാന്‍ ഞെട്ടിപ്പിക്കുന്ന സത്യം മനസ്സിലാക്കിയത്‌ . ഞാന്‍ വാങ്ങിയ വെളിച്ചെണ്ണകുപ്പിയിലെ പാതി വെളിച്ചെണ്ണയും തെങ്ങിന് വളമായിരിക്കുന്നു!! അരക്കിലോ വെളിച്ചെണ്ണക്ക് പകരംകാല്‍ കിലോ ആയി നില്‍ക്കുന്നതും അമ്മ വന്നു നല്ല വടികൊണ്ട് "ചടോ പടോ" എന്ന് സമ്മാനംനല്‍കുന്നതും ഞാന്‍ വിജയശ്രീ ലാളിതനായി നിന്ന് കരയുന്നതും ഒക്കെ ഇമാജിന്‍ ചെയ്തപ്പോള്‍ വീണ്ടുംഎന്റെ ബുദ്ധി പ്രയോഗിക്കാന്‍ ഞാന്‍ നിര്‍ബന്ധിതന്‍ ആയി.

വേഗം പാതി നിറഞ്ഞിരിക്കുന്ന വെളിച്ചെണ്ണ പാത്രവും എടുത്തു കൊണ്ട് ഞാന്‍ ഓടി .. ഓട്ടംഅവസാനിച്ചത്‌ വീട്ടിന്റെ പിന്നിലുള്ള പൈപ്പിന്റെ അടുത്താ ! ആദ്യം ഇച്ചിരി വെള്ളം ഒഴിച്ച് നോക്കി. നന്നായി ഒന്ന് കുലുക്കി ! കൊള്ളാം.. വല്ല്യ വ്യത്യാസം ഇല്ല ..യുറേക്ക (യുറീക്ക അല്ല) ..ഞാന്‍ ഒരു കണ്ടുപിടുത്തം നടത്തിയിരിക്കുന്നു . ആപ്പിള്‍ തലയില്‍ വീണ ന്യൂട്ടന്‍ കണ്ടു പിടിച്ച പോലെ ഒന്നും ഞാനുംകണ്ടെത്തിയിരിക്കുന്നു! സൈക്കിളില്‍ നിന്ന് വീണപ്പോള്‍ ! എന്റെ ബുദ്ധിയില്‍ അഭിമാനം തോന്നി, ഇനിവെളിച്ചെണ്ണ വാങ്ങുമ്പോള്‍ പാതി പൈസക്ക് വാങ്ങ്യ മതി , ബാക്കി തോട്ടില്‍ നിന്ന് നിറക്കാം!
... . ..
"വെളിച്ചെണ്ണ +വെള്ളം = വെള്ള്ള്ളിച്ചെണ്ണ"

പുതിയ ഒരു സമവാക്യവും ഞാന്‍ ഉണ്ടാക്കി . കിടക്കട്ടെ സയന്‍സ് നു എന്റെ വഹ ഒരു സംഭാവന .

അന്നുച്ചക്കു കടുക് വറുക്കാന്‍ വേണ്ടി അമ്മ ചീന ചട്ടിയില്‍ വെളിച്ചെണ്ണ ഒഴിച്ചപ്പോള്‍ "ടപ്പ ഠപ്പേ'' എന്ന്പൊട്ടുന്നു. ഇനി കടുക് വെളിച്ചെണ്ണയില്‍ " ഇന്‍ബില്‍റ്റ്" ആണോ എന്നറിയാന്‍ വെളിച്ചെണ്ണകൈയിലെടുത്തപ്പോള്‍ അല്ലെ അമ്മയുടെ ചങ്ക് പൊളിച്ച അല്ല എന്റെ പുറം പൊളിച്ച സത്യം അമ്മമനസ്സിലാക്കിയത്‌. പിന്നെ പുറം പൊളിഞ്ഞത് എങ്ങനെയാണെന്ന് ഞാന്‍ പറയണ്ടല്ലോ!

കുറച്ചു കഴിഞ്ഞ ഉടനെ ചിക്കന്‍ കറി തിന്നാന്‍ ലൂയിസ് വീട്ടുമുറ്റത്ത്‌ ഹാജെര്‍. കോഴി ഉണ്ടെന്നല്ലേഅല്ലാതെ കോഴികറി ഉണ്ടെന്നല്ലല്ലോ ഞാന്‍ പറഞ്ഞത് , കോഴി ഞാന്‍ വളര്ത്തുന്നതാ എന്നഎന്റെ വിശദീകരണം കേട്ടു ലൂയിസ് അന്ന് എന്നെ കൊല്ലാതിരുന്നത് കൊണ്ട് ഇന്ന് ഇത് എഴുതാന്‍പറ്റി!!!

7 comments:

Arathi said...

Thrissure kara kollam nannayittundu......

മുരളീമുകുന്ദൻ ബിലാത്തിപട്ടണം BILATTHIPATTANAM. said...

ഈ വെളിച്ചെണ്ണ പുരാണം നന്നായി പറഞ്ഞിരിക്കുന്നൂ...

സംഭാഷണങ്ങളും മറ്റും ഇടവിട്ടും,കുറച്ചുകൂടി പാരഗ്രാഫ് തിരിച്ചും എഴുതിയിരുന്നുവെങ്കിൽ ഒന്ന് കൂടി മെനയായേനെ കേട്ടൊ ഗെഡീ

Pranavam Ravikumar a.k.a. Kochuravi said...

"ടപ്പ ഠപ്പേ" :-)))

പ്രഭന്‍ ക്യഷ്ണന്‍ said...

മുരളിയേട്ടന്‍ പറഞ്ഞതു തന്നെ.
പാരഗ്രാഫ് തിരിക്കണം
സംഭാഷണങ്ങള്‍ പ്രത്യേകമാക്കണം..
എഴുത്ത് ഇഷ്ട്ടപ്പെട്ടു...നന്നാവും ഇനിയും നന്നാവും..
ആശംസകള്‍..!!

Kalavallabhan said...

ആശംസകള്‍

Anonymous said...

he he.. :-)

anupama said...

പ്രിയപ്പെട്ട സുഹൃത്തേ,
നാട്ടുകാരന്റെ നര്‍മരസം കലര്‍ന്ന അനുഭവങ്ങള്‍ ഇഷ്ടായി ........!ആശംസകള്‍..!
സസ്നേഹം,
അനു

Nilamazha...QR Code

qrcode

LinkWithin

Related Posts with Thumbnails